How man allegedly bury 15 year old girlfriend deadi body for im backyard - Police

South Africa Police Service don find di deadi bodi of on 15yr-old girl wey dem bin declare missing few days before.

Police for Cyferskull Precint, North West, find di bodi of Karabo Monyama wia dem bury am for her 23 years old boyfriend backyard on Wednesday 8 March. Di bodi don already begin to rotten.

Authorities say di last time wey pipo bin last see Karabo na 5 March, around 1pm wen she leave her house to go watch ball for one nearby field, but Karabo no return home afta.

Di boyfriend dey under arrest and now im dey face charge “for cases of murder, perjury and defeating di ends of justice.”

According to tori pipo news24, tok-tok pesin for di Police, Lieutenant Colonel Amanda Funani say offices bin go di boyfriend house to ask am questions about wia Karabo dey.

"Im lie give police say im no sabi who Karabo be. However, wen police return to im house on Wednesday to question am again, im confess to burying Karabo for one shallow grave," Funani allege.

#sapsNW Cyferskuil #SAPS seeks #missing Karabo Monyama (15), who was last seen on 5/03 when she left home to watch soccer at a nearby field. Info -> Sgt Edward Moeng 082 569 4455, #CrimeStop 08600 10111 or #MySAPSApp. NP https://t.co/ij7zh3jmkg pic.twitter.com/M8e3UdaNmk

— SA Police Service