United za ta biya $115.4 kan Jadon Sancho, Trippier na son komawa Ingila

An sanar da Manchester United cewar kudin sayen dan kwallon Ingila, Jadon Sancho zai kai fam miliyan 81.5 daga Borussia Dortmund. (Mirror)

Tottenham za ta so ci gaba da tattaunawa da mai horar da Ajax Erik ten Hag, bayan da batun daukar Antonio Conte ya bi ruwa. (Mirror)

Duncan Ferguson, bai karbi tayin aiki tare da Carlo Ancelotti ba cikin masu horar da Real Madrid ba, domin yana son karbar aikin kocin Everton. (Sun)West Ham tana da tabbaci cewar David Moyes zai sa hannu kan yarjejeniyar tsawaita zamansa a kungiyar bayan da ake rade-radin zai koma tsohuwar kungiyar sa Everton. (Football Insider)

Mai tsaron bayan Atletico Madrid  Kieran Trippier, ya sanarwa da abokan tamaularsa cewar yana sha'awar komawa Ingila da taka leda tare da Manchester United a sabuwar kakar nan. (Mirror)

Barcelona na shirin kari kan kudin da ta taya dan kwallon tawagar Netherlands, Georginio Wijnaldum, wanda zai bar Liverpool a karshen watan nan bayan da kwantiraginsa zai kare a Anfield wanda Paris St-Germain ta masa tayin da ya haura na Barca's. (Marca - in Spanish)