Za a buga wasan Real da Villareal ranar 17 ga watan Disamba

Mahukuntan gasar La Liga ta Sifaniya sun tsayar da ranar 17 ga watan Disamba, domin karawa tsakanin Real Madrid da Villarreal.

Kafin nan Real Madrid za ta je gidan Cadiz, ranar 26 ga watan Nuwamba, domin buga karawar mako na 14.

Wasan mako na 15 a La Liga kuwa, Real Madrid za ta karbi bakuncin Granada ranar 2 ga watan Disamba.

Sai karawar mako na 16 ranar 9 ga watan Disamba tsakanin Real Betis da Real Madrid , sannan wanda za ta yi da Villareal.

Haka kuma cikin lokacin za ta yi wasa biyu a Champions League karashen karawar cikin rukuni da za ta karbi bakuncin Napoli da zuwa Union Berlin.

Kawo yanzu an buga wasannin mako na 12 a babbar gasar tamaula ta Sifaniya, inda Girona take jan ragama da maki 34, sai Real mai maki 32 da Barca mai 30.

Haka nan Real Madrid za ta ziyarci Deportivo Alaves ranar Alhamis 21 ga watan Disambar 2023.

Wasannin mako na 14 da za a fafata:

Ranar Juma'a 24 ga watan Nuwamba

• Deportivo Alaves da Granada

Ranar Asabar 25 ga watan Nuwamba

• Rayo Vallecano da Barcelona
• Valencia da Celta de Vigo
• Getafe da Almeria
• Atletico de Madrid da Real Mallorca

Ranar Lahadi 26 ga watan Nuwamba

• Villarreal da Osasuna
• Real Sociedad da Sevilla
• Cadiz da Real Madrid
• Real Betis da Las Palmas

Ranar Litinin 27 ga watan Nuwamba

• Girona da Athletic de Bilbao