'Yan Real Madrid da za su kara da Shakhtar a Champions League

Real Madrid za ta buga wasa na hudu a cikin rukuni da Shakhtar Donetsk a Champions League da za su fafata a filin wasa na Municipal na Legia Warsaw. Ranar Laraba 4 ga watan Oktoba, Real ta doke Shakhtar 2-1 a wasa na uku a rukuni na shida a Santiago Bernabeu. Real Madrid ce ta daya mai maki tara, sai Shakhtar ta biyu mai maki hudu, sai RB Leipzig ta uku da maki uku da kuma Celtic mai maki daya. Kungiyoyin biyu sun kara a Gasar Zakarun Turai sau bakwai, inda Real Madrid ta ci biyar, Shakhtar ta yi nasara a biyu. Real Madrid tana ta biyu a teburin La Liga mai maki 22, iri daya da na Barcelona wadda ke jan ragama, bayan buga wasannin mako na takwas. 'Yan wasan Real Madrid: Masu tsaron raga:  Lunin, Luis López da kuma Cañizares.  Masu tsaron baya:  Carvajal, Militão, Alaba, Vallejo, Nacho, Odriozola, Rüdiger da kuma F. Mendy. Masu buga tsakiya:  Kroos, Modrić, Camavinga, Valverde, Lucas V. and Tchouameni. Masu cin kwallo:  Hazard, Benzema, Asensio, Vini Jr., Rodrygo da kuma Mariano.