'Yan Real Madrid da suka je Braga buga Champions League

Real Madrid ta ziyarci Braga, domin buga wasa na uku a cikin rukuni a Champions League ranar Talata.

Wannan shi ne karon farko da ƙungiyoyin biyu za su fafata a gasar ta zakarun Turai a tarihi.

Wasan da za a buga a Municipal Stadium, Real Madrid ce ta ɗaya a rukuni na uku da maki shida, sai Napoli mai maki uku da Braga itama maki uku da kuma Union Berlin mara maki ko daya.

A dai ranar Talata FC Union Berling za ta karɓi baƙuncin Napoli a ɗaya wasan rukuni na ukun

'Yan wasan Real Madrid:

Masu tsaron raga: Lunin, Kepa da kuma Diego Pineiro.

Masu tsaron baya: Carvajal, Alaba, Nacho, Lucas V., Fran García, Rudiger da kuma Mendy.

Masu buga tsakiya: Bellingham, Kroos, Modrić, Camavinga, Valverde da kuma Tchouameni.

Masu cin kwallaye: Vini Jr., Rodrygo, Joselu da kuma Brahim.