Yadda za a raba jadawalin Champions League ranar Litinin

Ranar Litinin za a raba jadawalin Champions League, wasannin zagayen kungiyoyi 16 da suka rage a gasar bana. Za a raba wadanda suka kai zagyen gaba zuwa tukunya biyu, ta farko wadanda suka yi na rukuninsu da ta biyu wadanda suka yi na bibiyu a kowanne rukuni. Jerin wadanda suka yi na daya a kowanne rukuni: Bayern, Benfica, Chelsea, Manchester City, Napoli, Porto, Real Madrid da kuma Tottenham. Wadanda suka yi na bibiyu a kowanne rukuni: Club Brugge, Dortmund, Frankfurt, Inter, Leipzig, Liverpool da kuma Milan, Paris St Germain. Yadda za a raba jadalin tsakanin kungiyoyin 16: Kungiyar da ta kara da wata a rukunin farko ba za su hadu ba a zagaye na biyu. Kungiyoyi daga kasashe daya ba za su hadu ba a wasan zagaye na biyu. Wadanda za su iya haduwa a zagaye na biyu:  Wadanda suka ja ragamar kowanne rukuni Bayern ( Daga Jamus) Watakila a hada ta da daya daga: Club Brugge, Liverpool, Milan, Paris Ba za ta fuskanci Dortmund ko Frankfurt ko Inter ko kuma Leipzig ba Benfica (Daga Portugal) Wadanda za ta iya fuskanta: Club Brugge, Dortmund, Frankfurt, Inter, Leipzig, Liverpool, Milan Ba za ta kara da Paris St Germain ba  Chelsea (Daga Ingila) Wadanda za ta iya karawa da su: Club Brugge, Dortmund, Frankfurt, Inter, Leipzig, Paris Ba za ta yi wasa da Liverpool ko kuma Milan ba Manchester City (Daga Ingila) Wadanda za ta iya fuskanta: Club Brugge, Frankfurt, Inter, Leipzig, Milan, Paris Ba za ta fafata da Dortmund ko Liverpool ba Napoli (Daga Italiya) Za ta iya fuskantar daya daga: Club Brugge, Dortmund, Frankfurt, Leipzig, Paris Ba za ta kara da da Inter ko Liverpool ko kuma Milan ba Porto (Daga Portugal) Wadanda za ta iya karawa tsakanin: Dortmund, Frankfurt, Inter, Leipzig, Liverpool, Milan, Paris Ba damar ta kara da Club Brugge  Real Madrid (Daga Sifaniya) Za ta iya fuskantar daya daga cikin: Club Brugge, Dortmund, Frankfurt, Inter, Liverpool, Milan, Paris Ba damar a hada ta da Leipzig Tottenham (daga Ingila Watakila a hada ta da daya daga cikin: Club Brugge, Dortmund, Inter, Leipzig, Milan, Paris Ba damar ta kara da Frankfurt ko kuma Liverpool