President Donald Trump don expand US travel ban, as e ban nationals of five additional countries and pipo wey dey travel on Palestinian Authority-issued documents from entering di US.

Di White House tok say di restrictions na "to protect di security of di United States" and e go come into force on 1 January.

E also impose full-entry restrictions on pipo from Burkina Faso, Mali, Niger, South Sudan and Syria plus Palestinian Authority passport holders.

Di administration also move Laos and Sierra Leone, wey bin dey partial restrictions bifor to the full ban list.

Di White House also include partial restrictions for additional 15 countries, wey Nigeria, dem say "Radical Islamic terrorist groups like Boko Haram and di Islamic State dey operate freely in certain parts of Nigeria, wey don make substantial screening and vetting difficulties."

President Trump bin don previously criticise Nigeria ova security concerns, including claims of a "Christian genocide", wey di Nigerian govment reject.

Trump, wey don tighten immigration controls since e return to di White House in January, tok say di expanded travel ban dey necessary bicos of wetin im administration describe as failures in screening and vetting systems overseas.

Officials bin cite high visa overstay rates, unreliable civil records, corruption, terrorist activity plus lack of cooperation in accepting deported nationals.

Di announcement bin come afta di arrest of one Afghan national dem suspect say shoot two National Guard troops during di Thanksgiving weekend, one incident di White House say dey of security concerns.

For inside one statement, di White House say President Donald Trump don sign one proclamation "wey expand and strengthen entry restrictions on nationals from countries wit demonstrated, persistent, and severe deficiencies in screening, vetting, and information-sharing to protect di Nation from national security and public safety threats."

Dis na di third time Trump don impose travel ban.

During im first term, e bin introduce one similar order for 2017, wey spark protests and legal challenges for home and abroad. Di US Supreme Court later uphold di policy.

Di White House tok say di restrictions go remain in place until affected countries show "credible improvements" in identity management, information-sharing and cooperation wit US immigration authorities.

For June, President Trump announce bans on citizens from 12 countries and e impose limits on travellers from seven oda.

Di measures apply to both immigrants and non-immigrants, including tourists, students and business travellers.

A number of exceptions apply and di ban no go affect lawful permanent residents, many existing visa holders, diplomats, or athletes travelling for major sporting events.

Officials say case-by-case waivers go also dey available wia travel dey in di national interest.

List of countries wit full and partial restrictions

Countries wit full restrictions:

Afghanistan

Burkina Faso

Burma

Chad

Equatorial Guinea

Eritrea

Haiti

Iran

Laos

Libya

Mali

Niger

Republic of the Congo

Sierra Leone

Somalia

South Sudan

Sudan

Syria

Yemen

Individuals travelling on Palestinian Authority issued or endorsed travel documents are also subject to a full suspension of entry
Partial restrictions:

Partial restrictions:

Angola

Antigua and Barbuda

Benin

Burundi

Côte d'Ivoire

Cuba

Dominica

Gabon

The Gambia

Malawi

Mauritania

Nigeria

Senegal

Tanzania

Togo

Tonga

Venezuela

Zambia

Zimbabwe

Special case:

.Turkmenistan (restrictions remain for immigrants but have been lifted for non-immigrant visas)

Why US expand travel ban to Nigeria, Burkina Faso and oda countries


Di US Department of State don tok reasons why President Donald Trump sama full suspension for entr on Burkina Faso, Laos, Niger, Benin plus oda kontris.

Full suspension:

Burkina Faso

According to di Department of State, terrorist organizations continue to plan and conduct terrorist activities throughout Burkina Faso.

According to di Fiscal Year 2024, Department of Homeland Security (DHS) Entry/Exit Overstay Report ("Overstay Report"), Burkina Faso get B-1/B-2 visa overstay rate of 9.16 percent plus student (F), vocational (M), and exchange visitor (J) visa overstay rate of 22.95 percent.

Also, Burkina Faso get history of failing to accept back dia removable nationals, di Department of State tok.

Laos

According to di Overstay Report, Laos get B-1/B-2 visa overstay rate of 28.34 percent plus F, M, and J visa overstay rate of 11.41 percent.

According to di Fiscal Year 2023, Department of Homeland Security (DHS) Entry/Exit Overstay Report ("2023 Overstay Report"), Laos get B-1/B-2 visa overstay rate of 34.77 percent plus F, M, and J visa overstay rate of 6.49 percent.

Plus, Laos get history of failing to accept back its removable nationals.

Mali

According to di Department of State, armed conflict between di Malian govment and armed groups dey common for di kontri. Terrorist organizations dey operate freely for some areas of Mali.

Niger

Di reason for dia full suspension na bicos terrorists and dia supporters dey active in planning kidnappings for Niger, and dem fit attack anywia for di kontri, di Department of State tok.

According to di Overstay Report, Niger get B-1/B-2 visa overstay rate of 13.41 percent and F, M, and J visa overstay rate of 16.46 percent.

Sierra Leone

According to di Overstay Report, Sierra Leone get B-1/B-2 overstay rate of 16.48 percent and F, M, and J visa overstay rate of 35.83 percent.

Di 2023 Overstay Report say di kontri get B-1/B-2 visa overstay rate of 15.43 percent plus F, M, and J visa overstay rate of 35.83 percent. Additionally, Sierra Leone historically dey fail to accept back dia removable nationals.

South Sudan

South Sudan get B-1/B-2 visa overstay rate of 6.99 percent and F, M, and J visa overstay rate of 26.09 percent. Also di kontri get history of failing to take back dia removable nationals.

Syria

US govment say Syria just dey come out from one long period of civil unrest and internal strife. Even though di kontri dey work to address dia security challenges iwit di help of America, dem still lack adequate central authority for issuing passports or civil documents and no get di right screening and vetting measures. According to di Overstay Report, Syria also get B1/B2 visa overstay rate of 7.09 percent and a F, M, and J visa overstay rate of 9.34 percent.

Palestinian Authority Documents

According to di Department of States, several U.S.-designated terrorist groups dey operate actively for di West Bank or Gaza Strip and don murder American citizens.

Also, di recent war for these areas don likely compromise vetting and screening abilities and sake of dat no go fit properly vet pipo wey wan enta di US on PA-issued or endorsed travel documents.

Partial suspension:

Angola

According to di Overstay Report, Angola get B-1/B-2 visa overstay rate of 14.43 percent and F, M, and J visa overstay rate of 21.92 percent.

Antigua and Barbuda

Antigua and Barbuda get history of Citizenship by Investment (CBI) without residency.

Benin

Overstay Report say Benin get B-1/B-2 visa overstay rate of 12.34 percent and F, M, and J visa overstay rate of 36.77 percent.

Cote d'Ivoire
Cote d'Ivoire get B-1/B-2 visa overstay rate of 8.47 percent and F, M, and J visa overstay rate of 19.09 percent, according to Overstay Report.

Dominica

Di kontri get history of Citizenship by Investment (CBI) without residency.

Gabon

Gabon get B-1/B-2 visa overstay rate of 13.72 percent and an F, M, and J visa overstay rate of 17.77 percent.

The Gambia

The Gambia get B-1/B-2 visa overstay rate of 12.70 percent and F, M, and J visa overstay rate of 38.79 percent. Additionally, di kontri get history say dem no dey gree take back dia removable nationals.

Malawi

Malawi get B-1/B-2 visa overstay rate of 22.45 percent and F, M, and J visa overstay rate of 31.99 percent.

Mauritania

Mauritania get B-1/B-2 visa overstay rate of 9.49 percent. According to di Department of State, di govment of Mauritania get little presence for certain parts of di kontri, wey make substantial screening and vetting difficulty.

Nigeria

US govment say radical Islamic terrorist groups like Boko Haram and di Islamic State dey operate freely for some parts of Nigeria, wey don create substantial screening and vetting difficulties.

Also, di kontri get B-1/B-2 visa overstay rate of 5.56 percent plus F, M, and J visa overstay rate of 11.90 percent, according to di Overstay Report.

Senegal

Senegal get B-1/B-2 visa overstay rate of 4.30 percent and F, M, and J visa overstay rate of 13.07 percent.

Tanzania

Tanzania get B-1/B-2 visa overstay rate of 8.30 percent and F, M, and J visa overstay rate of 13.97 percent.

Tonga

According to di Overstay Report, Tonga get B-1/B-2 visa overstay rate of 6.45 percent and F, M, and J visa overstay rate of 14.44 percent.

Turkmenistan
Since di issuance of Proclamation 10949, Turkmenistan dey engage productively wit di US and don show significant progress in improving dia identity-management and information-sharing procedures.

Although, US govment don lift di suspension of entry into di US by di Turkmenistan nationals on B-1, B-2, B-1/B-2, F, M, and J visas, but some concerns still dey wey make dem still still suspend entry.

Zambia

Zambia get B-1/B-2 visa overstay rate of 10.73 percent and F, M, and J visa overstay rate of 21.02 percent.

Zimbabwe

According to di Overstay Report, Zimbabwe get B-1/B-2 visa overstay rate of 7.89 percent and F, M, and J visa overstay rate of 15.15 percent.