Suarez zai koma Inter Miami , Bayern Munich na son Palhinha

Bayern Munich za ta fuskanci hammaya daga akalla kungiyoyin biyu da ke wasan firimiya wajan zawarcin dan wasan tsakiya Joao Palhinha mai shekara 28, a watan Janairu . (Telegraph)

Watakila Bayern ta kasa siyan dan wasan tsakiyar Jamus mai taka leda a Bayer Leverkusen Florian Wirtz too, yayin da Manchester City da Liverpool sun kara kaimi wajan daukar dan wasan mai shekara 20. (90min)

Dan wasan Gremio da Uruguay Luis Suarez mai shekara 36, na gab da sake haduwa da tsohon abokin wasansa a Barcelona Lionel Messi a Inter Miami kan yarjejeniyar shekara guda . (Miami Herald)

Tsohon kocin Wolves Julen Lopetegui ya ki amincewa da tayin biyansa euro miliyan 18 a kowace kaka da kungiyar kwallon kafa ta Al-Ittihad ta Saudiyya ta yi masa saboda yana son ya ci gaba da aiki a gasar Firimiya, inda Manchester United na cikin kulob- kulob din da ke sha’awar dan kasar Sifaniya. (AS - in Spanish)

Zai dauki akalla tayin fam miliyan 60 kafin Aston Villa ta fara tunanin sayarda Douglas Luiz a watan Janairu , inda Arsenal na ci gaba da nuna sha’awar siyan dan wasan tsakiya dan kasar Brazil mai shekara 25. (Caught Offside)

Villa ta sanya farashin fam miliyan 110m kan Luiz, fiye da abinda Arsenal ta biya kan Declan Rice a bazara , domin kare muradunta. (Football Transfers)

Arsenal da Liverpool sun tura da wakilai da za su kalli wasan dan wasan baya na Bayer Leverkusen da Netherlands Jeremie Frimpong mai 22, a karshen mako. (90min)

Real Sociedad ita ce a gaba -gaba wajan daukar dan wasan gaba na Manchester United da Ingila Mason Greenwood, mai shekara 22, wanda aka ba shi da aro a kulob din Getafe ta La Liga , sai dai abu ne mai wuya ya koma taka leda na din- din a wurin saboda yawan kudin da za a kashe. (Todofichajes - in Spanish)

Dan wasan Manchester United Donny van de Beek ya nuna sha’awar taka leda a Barcelona, inda dan wasan tsakiya na kasar Neherlands mai 26 na fatan cike gurbin da aka samu sakamakon raunin da Gavi ya samu. (Sport - in Spanish)

A wani labarin kuma , Manchester United za ta samu damar daukar dan wasan gefe na Borussia Dortmund da dan wasan gefe Donyell Malen, mai shekara 24, idan dan wasan Ingila Jadon Sancho, mai shekara 23, ya bar kulob din (Football Transfers)

Wolves na son dan wasan baya na Sevilla da kuma Argentina fMarcos Acuna, mai shekara 32, wanda an yi kiyasin darajarsa ta kai euro miliyan 12 . (Todofichajes )

Kofofin Sao Paolo a bude suke game da tayin da aka yi mu su kan dan wasan Liverpool Lucas Beraldo, yayin da an yi watsi da tayin da Wolves ta yi a bazara akan dan wasan Brazil din mai tsaron gida mai shekara 20 (90min)

Juventus a shirye take ta bar dan wasan gefe na Ingila Samuel Iling-Junior barin kulob inda Tottenham da Newcastle na cikin kulob- kulob da ke zawarcin dan wasan mai shekara 20. (Tuttomercatoweb )

West Ham ita ce a gaba a rige- rigen da ta ke yi da Everton da Brighton da sauran kungiyoyin kwallon kafa na firmiya akan dan wasan Linfield da arewacin Ireland mai shekara 17 Aodhan Doherty. (Football Insider)