Newcastle za ta ɗauki Phillips, Real Madrid ta yi wa Brahim Diaz kuɗi

Muradin Newcastle United kan dan wasan Manchester City da Ingila Kalvin Phillips mai shekara 27 na ara bayyana, da zarar ta yanke shawarar aukar an wasan da zai maye gurbin ɗan wasan Italiya Sandro Tonali da ake tsammanin zai yi nusau. (The I)

Wasu ƙarin 'yan wasan da idon Newcastle ke kansu da za su iya maye gurbin Tonali da k fuskantar dakatarwa sabo da karya dokar caca, sun haɗa da ɗan wasan Manchester United da Scotland Scott McTominay ɗan shekara 26 da ɗan wasan Belgium da Everton Amadou Onana mai shekara 22 da kuma ɗan wasan Portugal da Fulham Joao Palhinha mai shekara 28. (The Athletic)

An dakatar da Tonali mai shekara 23 daga buga wasa na tsawon wata 10, hakan na nufin ya gama buga gasar bana, kuma ba zai buga Euro 2024 ba - idan Italiya ta samu damar bugawa - bayan binciken da aka yi na zarginsa da caca. (Sky Italy)

Chelsea ta shirya gwada sa'arta kan mai tsaron ragar Arsenal Aaron Ramsdale mai shekara 25, wanda ɗan wasan Sifaniya David Raya ya yi masa kwacen hannu a wannan kakar. (Daily Mail)

Arsenal da Liverpool da Tottenham na ci gaba da nuna muradinsu kan ɗan wasan Athletico Bilbao da Sifaniya Nico Willams. Itama Aston Villa ta yi ƙoƙarin ɗaukar ɗan wasan. (90min)

Ɗan wasan Bayern Munich da Jamus Jamal Musiala mai shekara 20 zai iya komawa Manchester City ko Real Madrid idan ya fuskanci burinsa na cin Champions da Ballon d'Or ba mai yiwuwa ba ne a Munich.(Sky Sports Deutschland - in German)

Za a iya barin Jadon Sancho mai shekara 23 ya bar Manchester United a matsayin aro na tsawon lokaci a watan Janairu, amma tshuwar ƙungiyar ɗan wasan Borussia Dortmund ce ke kan gaba wajen nemansa. (90min)

Fulham na son ɗaukar ɗan wasan Stuttgart da Guinea Serhou Guirassy mai shekara 27, wanda ya zuwa yanzu ya ci kwallo 14 a gasar Bundesliga a bana, ya kuma ci kwallo uku sau biyu. Awkwai kuɗin tsurfa na sakinsa da suka kai fan miliyan 15. (Standard)

Aston Villa na bibiyar ɗan wasan Sporting Lisbon da Mozambique Geny Catamo mai shekara 22. (Birmingham Live)

Real Madrid ta shaida wa Aston Villa da West Ham sai sun biya yuro miliyan 20 matuƙar suna son ɗan wasanta da Morocco Brahim Diaz mai shekara 24. (Birmingham Mail)