Man Utd za ta iya rabuwa da Casemiro, Chelsea na son saye Osimhen

Manchester United na duba yiwuwar amsar tayi kan ɗan wasanta na tsakiya Casemiro, yayin da ƙungiyoyin Saudiyya ke kwaɗaitawa ɗan wasan mai shekara 31 makuɗan kuɗaɗe.(Talksport)

Chelsea da alama za ta gabatar da ta yi kan ɗan wasan gaba a Napoli, asalin Najeriya Victor Osimhen, mai shekara 24, a watan Janairu. (Football London)

Rahotanni na nuna cewa Osimhen a shirye ya ke ya tafi Stamford Bridge - amma dole Chelsea ta jira zuwa sabuwar kaka. (Standard)

Ɗan wasan Nice da Faransa Jean-Clair Todibo, mai shekara 23, ya kasance wanda Manchester United ke son soma ɗauka a watan Janairu.(Football Transfers)

United da Tottenham sun bi sahun Liverpool da Arsenal a farautar ɗan wasan Brazil da Fluminense mai shekara 22 Andre. (90min)

Barcelona ta sa yuro milyan 70 kan duk mai sha'awar sayen ɗan wasanta na Brazil Raphinha. (Football Transfers)

Ɗan wasan tsakiya a Sweden Emil Forsberg, mai shekara 32, ya amince ya koma Red Bulls na New York daga RB Leipzig a watan Janairu. (Fabrizio Romano)

An sanar da Arsenal kan yiwuwar ɗauko ɗan wasan Al-Hilal da Portugal Ruben Neves, mai shekara 26. (90min)

Mai buga tsakiya a Fulham da Portugal Joao Palhinha ya nuna takaicin rashin tafiyarsa Bayern Munich. (Mail)

Juventus ta tuntube Manchester United kan bata aron ɗan wasan Ingila, Jadon Sancho, mai shekara 23, a makon da ya gabata. (Mail)

Ɗan wasan tsakiya a Arsenal Jorginho, mai shekara 31, ya nuna cewa zai so ya koma gida domin bugawa kungiyar Italiya har zuwa lokacin ritayarsa.(Metro)

Charlton da Leyton Orient na son dauko ɗan wasan gaba Jamie Donley, mai shekara 18, a masatyin aro daga Tottenham. (Teamtalk)

Ɗan wasan Bayern Munich da Ingila, Harry Kane, mai shekara 30, na iya samun kudi har yuro miliyan dubu 250 idan har ya zura kwallaye 40 a wannan kaka, kamar yada yake kunshe a yarjejeniyar sayo shi. (Sport Bild via Christian Falk)