Kasuwar 'yan kwallo: Makomar White, Dembele, Garcia, Kane, Giroud, Aurier

Kungiyar Roma ta bi sahun wasu kungiyoyin na dauko dan wasan baya na Brighton Ben White mai shekara 23, kamar yadda sabon mai horas da 'yan wasan Jose Mourinho ya bukata. (Sun)

Ita ma Arsenal na kokarin dauko dan wasan gaba Moussa Dembele. Dan wasan mai shekara 24 ya na zaman aro ne a kungiyar Atletico Madrid daga Lyon. (Telegraph)

Chelsea kuwa za ta yi wa Thomas Tuchel ta yin kwantiragin shekara uku a karshen kakar wasanni ta bana. (Mail)

Barcelona kuma ta cimma yarjejeniya da Manchester City kan dan wasan baya dan Sifaniya Eric Garcia, mai shekara 20 ba tare da biyan ko kwabo akan sa ba. (Goal)

Manchester United na ci gaba da tattaunawa domin dauko dan wasan Tottenham kuma dan wasan gaba Harry Kane, mai shekara 27. (Football Insider)

Inter Milan da Lazio na harin dan wasan Chelsea kuma dan wasan tsakiya na Faransa Olivier Giroud, mai shekara 34. (Calciomercato - in Italian)

Jose Mourinho na fatan sake haduwa da Manchester United da mai tsaron ragar Argentina Sergio Romero, dan shekara 34, idan ya karbi ragamar horas da 'yan wasan Roma. (Express)

Manchester United na gab da sanya hannu kan kwantiragin dauko mai tsaron ragar Aston Villa Tom Heaton mai shekara 35, domin maye gurbin Romero. (Sun)

AC Milan na son dauko dan wasan Tottenham da Ivory Coast mai shekara s 28 wato mai tsaron baya Serge Aurier. (Calciomercato - in Italian)

Ita ma Real Madrid na shirin dauko Aurier, wanda kwantiraginsa da Spurs zai kare a shekarar 2022. (Foot Mercato - in French)