Juventus ta ci Sporting 1-0 a wasan farko a quarter finals a Europa League da suka fafata ranar Alhamis a Turin.

Saura minti 17 a tashi wasan Juventus ta ci kwallon ta hannun Federico Gatti.

Wasa na uku da suka kece raini a tsakaninsu, bayan da suka fafata sau biyu a Champions League a kakar 2017/18

Wasa uku da suka kara a tsakaninsu:

Europa League Alhamis 13 ga watan Afirilu

Juventus 1 - 0 Sporting

Champions League Talata 31 ga watan Oktoban 2017

Sporting 1 - 1 Juventus

Champions League Laraba 18 ga watan Oktoban 2017

Juventus 2 - 1 Sporting

Juventus ba a doke ta ba wasa na 15 daga 22 da ta fuskanci kungiyoyin Portugal a gasar zakarun Turai da lashe 12 daga ciki.

Sporting ta kasa nasara a karawa 16 da ta buga a waje da shan kashi 12 a hannun kungiyoyin Italiya a gasar zakarun Turai.