Israel say Iran security chief Ali Larijani don die inside strike

Israeli Defense Minister Israel Katz for statement on Tuesday claim say one overnight strikes kill di security chief and Basij commander Gholamreza Soleimani.

"Di prime minister and I don instruct di IDF to continue hunting down di leadership of di regime of terror and oppression for Iran," Katz tok.

Iran neva confam Larijani death, but di Iranian state meda don publish di foto of one handwritten message, wey dem say na im issue, wey e also post on im social media accounts.

Di Israel Defense Forces (IDF) tok say Ali Larijani na "one of di most veteran and senior figures within di Iranian regime leadership" afta dem announce say di Iranian security chief don die for strike.

Afta di death of Supreme Leader Ayatollah Ali Khamenei, wey dem kill on di first day of di US/Israel war wit Iran, di IDF say, Larijani "bin function as di leader of di Iranian regime" and e lead dia combat against Israel and neighbouring countries.

Ali Ardeshir Larijani profile

Born in 1953 in Najaf

1989 to 1992: Deputy Chief of di IRGC Joint Staff

1992 to 1993: Minister of Culture and Islamic Guidance

1993 to 2004: Head of di Iranian Broadcasting Organization

2005 to 2007: Secretary of di Supreme National Security Council

2008 to 2020: Three terms as representative and speaker of di Islamic Consultative Assembly

2020 to date: Advisor to di Leader of the Islamic Republic and full member of di Expediency Discernment Council and member of di Supreme Council of di Cultural Revolution

2005: Presidential candidate. Finished sixth among seven candidates.

1400 and 1403: Disqualified from running for president

August 14, 1404: Secretary of the Supreme National Security Council