You are here: HomeAfricaBBC2023 02 19Article 1717385

BBC Pidgin of Sunday, 19 February 2023

Source: BBC

How Nigerian politicians dey use different style dey beg for votes

Bola Ahmed Tinubu, Atiku Abubakar plus Peter Obi (middle) Bola Ahmed Tinubu, Atiku Abubakar plus Peter Obi (middle)

From frying akara to eating for local restaurants or making pipo hair, na some of di gimmicks politicians dey employ to woo electorate wen elections dey near.

Dem dey do some funny things wey normally dem no go do to make ordinary pipo reason say dem be like dem.

As di 2023 general elections dey near, di mata no different as politicians don dey apply dia normal gimmicks. Although, dis year own different small.

Apart from dia well-written manifestoes plus dia fake campaign promises, dem don dey enta market, go slum, attend different kind meetings, parties and ceremonies wey normally dem go either send representative or make dem no show at all.

Dis na some of di pressures wey some di candidates wey dey contest for different elective posts dey apply to win di 2023 elections.

Dancing to 'Buga song'