You are here: HomeAfricaBBC2021 03 09Article 1199344

BBC Hausa of Tuesday, 9 March 2021

Source: bbc.com

Benzema ya hana Real ta ji kunya a hannun Atletico Madrid

Real Madrid da Atletico Madrid sun tashi 1-1 a wasan La Liga karawar mako na 26 da suka fafata ranar Lahadi.

Luis Suarez ne ya fara cin kwallo minti 15 da fara wasa a filin Alfred Di Stefano.

Wannan ne kwallon farko da Suraez ya ci wa kungiyar tun bayan da ya yi wa Atletco wasa biyar bai zura kwallo a raga ba.

Kwallon da Suarez ya ci Real shi ne na 12 a karawar da ya fuskance ta, kuma na farko a Atletico, sauran 11 a Barcelona ya ci su.

Karim Benzema ne ya farke kwallon saura minti biyu a tashi daga karawar ta hamayya.

Da wannan sakamakon Atletico mai kwantan wasa daya ta ci gaba da zama ta daya a kan teburi da maki 59.

Barcelona ce ta biyu da maki 56, bayan da ta je ta doke Osasuna 2-0 ranar Asabar.

Real Madrid ita ce ta uku da maki 54, bayan buga karawa 26 a kakar bana a La Liga.

Ranar Laraba wato 10 ga watan Maris, Atletico za ta karbi bakuncin Atletico Bilbao, domin buga kwantan wasa.

Join our Newsletter