You are here: HomeAfricaBBC2023 07 26Article 1812803

BBC Hausa of Wednesday, 26 July 2023

Source: BBC

Bayern Munich na fatan ɗaukar Kane, West Ham na na son Maguire

Harry Kane Harry Kane

Bayern Munich na fatan daukar Harry Kane daga Tottenham duk da cewa PSG na neman dan wasan. (Sky Sports)

Su kuwa shugaban Bayern Munich din Jan-Christian Dreesen da kuma daraktanta Marco Neppe ba su bi ƙungiyar Japan ba, a maimakon haka sun tsaya don hada kudin da za su sayi Kane din fam miliyan 100. . (Mirror)

PSG na sa ran samun kudi hadi da dan wasa daga kungiyoyin Turai da ke son daukar Kylian Mbabbe wanda Al-Hilal ta taya a kan kudi fam miliyan 259, yayin da su ma kungiyoyin kamar Chelsea da Manchester United da Tottenham da Inter Milan da kuma Barcelona ke sha’awar dan gaban Faransa mai shekara 24. (Press Association, via Independent)

Manchester City ta shaida wa dan tsakiyar Portugal Bernardo Silva cewa ba su da niyyar sayar da shi a kakar bana duk da sha’awar da dan wasan mai shekara 28 ke da ita ta matsawa daga kungiyar. . (90 Min)

West Ham ta tattauna da Manchester United a kan daukar dan bayan Ingila Harry Maguire,mai shekara 30 da kuma dan tsakiyar Scotland Scott McTominay, mai shekara 26. (Sky Sports)

To amma West Ham din ta jinkirta tayin da ta yi wa Mc Tominay na fam miliyan 40. (Mirror)

Haka zalika Hammers din ta taya dan tsakiyar Chelsea Conor Gallagher, mai shekara 23, amma Chelsea ta yi watsi da tayin, ko da yake Hammers din na sa ran za a sayar mata da dan wasan maimakon Tottenham. (Standard)

Ita kuwa Southamton watsi ta yi da tayin fam miliyan 35 daga Liverpool a kan dan tsakiyar Belgium Romeo Lavia, inda ta ke son a bata fam miliyan 50. (Guardian)

Cinikin dan tsakiyar Liverpool dan kasar Brazil Fabinho da Al-Ittihad na cikin kila wakala, don haka dan wasan mai shekaru 29, ke shirye-shiryen komawa wasannin share fage da kungiyar ta Liverpool. (Athletic - subscription needed)

Dan tsakiyar Jamus Joshua Kimmich na duba yiwuwar tsayawa a Bayern Munich bayan da dan wasan ya ce yana da tabbacin zai buga kungiyar wasannin Bundesliga a kaka mai zuwa. (Sky Germany, via Get German Football News)

Everton na tattaunawa a kan dawo da dan gaban Italiya Wilfried Gnonto, mai shekaru 19 daga Leeds United. (Football Insider)