Barcelona ta naɗa Deco a matsayin daraktan wasanni

Tsohon dan wasan Barcelona Deco na hanyar komawa kungiyar a matsayin sabon daraktan wasanni.

Dan kasar Portugal haifaffen Brazil, mai shekara 45, ya rattaba hannu kan kwantiragin shekara uku a Nou Camp.

Deco ya fara komawa Barcelona ne daga Porto a shekara ta 2004 kuma ya lashe gasar La Liga sau biyu a kakar wasanni hudu, da kuma gasar Zakarun Turai a shekarar 2006.

Barca ta ce Deco ne zai jagoranci sabuwar akidar wasansu kuma zai yi aiki tare da koci Xavi da sauran ma su taimaka masa.

Kulob din ta ce tana shirin yi wa bangaren gudarwarta garambawul, inda ba da cikakkun bayanai nan da makonni masu zuwa.

Tsohon daraktan wasanni Jordi Cruyff ya bar kungiyar a watan Mayu.

Deco ya kuma buga kakar wasa biyu a Chelsea bayan zamansa a Sifaniya kafin ya koma Brazil inda ya yi ritaya a kungiyar Fluminense da ke Rio de Janeiro.