Barca ta haɗa maki tara a wasa uku a Champions League

Ferran Torres ya ci ƙwallo ya bayar da daya aka zura a raga a wasan da Barcelona ta doke Shakhtar Donetsk 2-1.

Kungiyoyin sun buga wasa na uku-uku a cikin rukuni na takwas a Champions League.

Torres ne ya fara cin kwallo a minti na 28 da take leda, bayan da ya Fermin Lopez ya buga kwallo ta bugi turke sai ta koma ta wajensa shi kuma ya zura a raga.

Daga baya tsohon dan wasan Manchester City, ya bai wa Lopez kwallon da ya zura a raga a minti takwas tsakani.

Shakhtar ta zare daya ta hannun Heorhii Sudakov, bayan da suka sha ruwa suka koma zagaye na biyu a fafatawar.

Barcelona, wadda rabonta da ɗaukar Champions League tun 2015 tana ta daya a kan teburin rukuni na uku da maki tara.

Ita kuwa Shakhtar tana ta uku da tazarar maki shida tsakaninta da ƙungiyar Sifaniya mai rike da kofin La Liga na bara.