Arsenal ta kawo karshen kasa cin wasa a gidan Everton

« Prev

Comments (0)

Listen to Article

Hoto daga gasar

Everton ta yi rashin nasara da ci 1-0 a hannun Arsenal a wasan mako na biyar a Premier League ranar Lahadi a Goodison Park.

Kungiyoyin biyu sun kammala zagayen farko ba ci, yayin da suka koma zagaye na biyu ne Leandro Trossard ya ci wa Gunners kwallo.

Gunners, wadda ta maye gurbin golan tawagar Ingila, Aaron Ramsdale a wasan da David Raya - ta yi rashin nasara a wasa huɗu baya daga biyar da ta ziyarci Everton.

Arsenal ta yi wasa 12 a waje kenan ba tare da an zura mata kwallo a raga ba a Premier League tun daga fara kakar bara.

Fulham da Manchester City sune ke biye da Gunners a irin wannan bajintar da kowacce ke da bakwai-bakwai.

Da wannan sakamakon Arsenal ta haɗa maki 13 tana mataki na huɗu, iri ɗaya da wanda Tottenham ta biyu da kuma Liverpool ta uku.

Ranar 24 ga watan Satumba Arsenal za ta karɓi bakuncin Tottenham a karawar mako na shida a Premier League.

Kafin nan Gunners za ta buga Champions League ranar 20 ga watan Satumba, inda PSV Eindhoven za ta ziyarci Emirates.

Wasa hudu da suka kara a kaka biyu baya:

2022/2023

Premier League Laraba 1 ga watan Maris 2023