Africa News of Friday, 16 April 2021
Source: www.bbc.com
President Buhari return to Nigeria afta UK 'medical trip'
President Buhari returned to Abuja on Thursday, April 15
Nigeria President Muhammadu Buhari don return to Nigeria after e go do medical check-up for London, United Kingdom.
Oga Buhari wey comot im kontri on 30 March, do about two weeks for dia.
Im land for Abuja international airport on Thursday, 15 April, 2021.
Dis latest Buhari UK healthcare waka na di 12th one wey im don go since e become president in 2015.
Before e comot, di 78-year old leader follow meet with di service chiefs [ogas at di top of di Armed Forces] before e enter plane travel last month.
President @MBuhari returns to Abuja after Private trip to London.#AsoVillaToday pic.twitter.com/ma6A3vHGpw
— Government of Nigeria (@NigeriaGov) April 15, 2021
Di announcement of Oga Buhari return appear ontop Nigeria goment Twitter handle.
